سامحينى ياعروبة

الشاعر / ياسر التونى

عايش ف بلاد طــاهرة ولكن
بتمنى الموت من ويــــل ذُلًى
والجرح اللى معلم ســــاكن
ف القلب بيألمــــنى تمـــلًى
ونهارى صار ليل اسود داكـــن
ولاحتى شعـاع شمس واصـل لى
والجامع لا انا شايفه اتحـــرر
ولا حتى انا فيه قادر اصـــلى
والاخت بتصرخ قـــــدامى
اوعاك تسكت ع اللى حصل لى
سلبونى اعز كنوز جســــمى
صدقنى الموت كان افضــل لى
والام دموعها بتدبحــــــنى
قالت مات ابنى وضاع خــلًى
طب حد يرد على ســــؤالى
اوحد من الاخوة يقـــول لى
هو احنا عروبة صحيـــح ولا
د تاريخ مكتوب وسط سجـلًى
ليه دمنا صار شبه الميــــــًه
ليه جزئى ميألمش ف كــــلى
الظلم ياخلق مكتفنـــــــى
ومرافق اكتر من ضــــــلًى
م تحاولو ترجعو وحدتنــــــا
دى الطوبة مع الطوبة تعلــــى
أو حتى نمثلها ف مشــــــهد
واهو برضه اكيد ليكو مســــلى
سامحينى ياعروبة خســـارة اكتب
اسمك بالحبر اللى فاضـــــل لى